Aurrez aurreko 220 stand eta online denda uztartuko ditu Durangoko Azokako 56. edizioak, "baDA!" lelopean
Leire Urbeltz sortzaile iruindarra da aurtengo kartelaren egilea. "Desipuindegia" izenburupean, Urbeltzek Azokako lehenengo edizioak izan ditu gogoan, garai horretako irudien "revivalismoa" eginez.
Abenduaren 3tik 8ra izango da 56. edizioa: online denda martxan egongo da abenduaren 3tik 7ra, eta aurrez aurreko erakusmahaiak Landakon abenduaren 4tik 8ra.
