Andra Mari basilika
DURANGO
Ezaugarriak
Durangoko alde zaharraren atarian Durangoko Andra Mari eliza dago zaindari. Nahiz eta ia egunero igaro bere aterpe berezitik ez gara ohartzen eliza honek berarekin gordeta dituen sekretuetaz.
Bisita honen bitartez eliza kanpoan eta barruan ditugun bitxikeri eta istorioak ezagutuko dituzue, elizako ate guztiak zabalduz eta bere barnean murgilduz.
Bisitan nabarmentzekoak:
- Andra Mariko portikoa
- Sakristia
- Eliza barruko museoa
- Korua eta organoa
- Elizako kaperak
- Uribarriko Andra Mariaren ganbaratxoa
Irteera puntua: Andra Mariko portikoa, ate aurrean
Iraupena: 90 minutu.
Zailtasun maila: Erreza (koroa eta Andra Mariaren ganbara ez dira irisgarriak mugikortasun murriztua dutenentzat)
Taldea: Gehienez 15 pertsona
Hizkuntza: Euskara, gaztelera, frantsesa
Prezioa: 185 € (BEZ barne)
Oharra
Bisita hau zure beharrizanetara egokitzen ez bada, egiguzu kontsulta eta aztertuko dugu egokitzeko aukera. Eskaintzen ditugun bisita gidatuez gain, norbere beharrizanen neurrira bisitak prestatzeko aukera eskaintzen dugu. Idatzi edo deitu lasai: info@gerediaga.eus / 946818066